27.04.2022
Sessiya ishida shahar sektor rahbarlari, shahar kengashi deputatlari, shahar hokimi oʻrinbosarlari, huquqni muhofaza qiluvchi organlari mas'ullari, tegishli tashkilot, korxona va muassasalar rahbarlari, siyosiy partiyalar hamda ommaviy axborot vositalari vakillari ishtirok etishdi.
Shuningdek, sessiya ishi jonli efir orqali ijtimoiy tarmoqlarda namoyish etilib, ko'rilgan masalalar, aniqlangan kamchiliklar yuzasidan shahar sektor rahbarlariga, huquqni muhofaza qilish idoralari mas’ul xodimlari va mutasaddilarga topshiriq va ko‘rsatmalar berildi.
Sessiya ishida shahar hokimining o'rinbosari so'zga chiqib, quyidagilarni ta'kidlab o'tdi: O’zbekiston Respublikasi Vazirlar Mahkamasining 2021 yil 30 dekabrdagi xotin-qizlar masalalari bo’yicha Respublika komissiyasining 8-sonli kengaytirilgan yig’ilishi, hamda O’zbekiston Respublikasi Vazirlar Mahkamasining 2022-yil 31 martdagi “Xotin-qizlar muammolarini o’rganish va hal etish tizimini yanada takomillashtirish to’g’risida”gi 145-sonli Qarori to’g’risidagi “Ayollar daftari”ni yuritish orqali xotin-qizlar muammolarini tizimli ravishda hal etish tizimini yanada takomillashtirish bo’yicha MFYlarda tuzilgan ishchi guruhlar tomonidan xatlov o’tkazildi. Xatlov natijalariga ko’ra, shahardagi 8 ming 834 nafar aholidan, 1881 nafar 30 yoshdan yuqori bo’lgan xotin-qizlar xatlovdan o’tkazilib, 1871 nafariga anketa so’rovnomalari to’ldirildi. O’rganish davomida so’rovnomalar o’tkazilib, jumladan, 10 nafari tashqi migrasiyadagi xotin-qizlarga anketa so’rovnomalari to’ldirilmadi.
Shuningdek, 2021 yilda “Ayollar daftari”ni yuritish orqali 335 nafar xotin-qizlarimizga manzilli yordamlar ko’rsatilganligi inobatga olinib, shahardagi ehtiyojmand xotin-qizlardan ehtiyojmandlik darajasi asosida 139 nafar xotin-qizlarga individual dasturlar to’ldirildi.
“Ayollar daftari”ning 3-bosqichiga shahardagi 139 nafar xotin-qizlar 5 tofa bo’yicha daftarga kiritildi. Jumladan:
- 21 nafari Ijtimoiy himoyaga muhtoj ishsiz, xotin-qizlar;
-2 nafari (tadbirkorlik qilish maqsadida) kredit olish istagini bildirgan xotin-qizlar;
-73 nafar boquvchisini bo’lmagan (ya’ni boquvchisini yo’qotgan, beva, turmush o’rtog’i jazoni o’tash muassasalarida bo’lgan, ajrashgan) ehtiyojmand xotin-qizlar;
-34 nafari 1-2 uruh nogironligi bo’lgan, shuningdek tezkor tibbiy muolajaga muhtoj ehtiyojmand xotin-qizlar;
- 9 nafari Qaramog’ida nogironligi bo’lgan farzandi mavjud ehtiyojmand xotin-qizlarni tashkil etadi.