15.12.2022

O‘zbekiston Respublikasi Prezidenti raisligida 2022-yilning 14-aprel kunidagi kengaytirilgan shaklda o‘tkazilgan videoselektor 27-2022-son yig‘ilish bayonining 13.2-bandi ijrosi yuzasidan 2022-2023 o‘quv yili davomida viloyatdagi barcha umumiy o‘rta ta’lim maktabining 11-sinf bitiruvchi o‘quvchilari bilan “Hokim va bitiruvchi yoshlar” uchrashuvlari o‘tkazilishi belgilangan.
Bugun shahar hokimligi binosida shahar hokimi A.Bazarov, shahar IIB boshlig‘i A.Muhitdinovlar shahar XTB tasarrufidagi umumiy o‘rta ta’lim maktablari bitiruvchi o‘quvchi-yoshlari bilan uchrashuvi tashkil etildi.

Uchrashuv yangicha formatda tashkil etildi. Birgina, shahar hokimining yoshlarni ertangi kunga o‘zgacha kuch va harakatga chorlaydigan motivatsion fikrlari, tafakkur torlarini chertadigan ulkan g‘oyalari zukko yoshlar tomonidan zo‘r kayfiyat ila ilg‘ab olindi.

Shu bilan bir qatorda, sektor rahbari yuksak marralarni egallashni o‘z oldiga qo‘ygan yoshlarning fikrlari, tashabbuslari, g‘oyalari bilan qiziqdi.

  Qariyb ikki soat davom etgan uchrashuv interaktiv suhbat, do‘stona ruhda amalga oshirildi.

“Biz mo‘jazgina G‘ozg‘on shahrimiz kelajagini sizdek, ertangi kunga ishonchi bor, mard va jasur, ilm-ma’rifatli yoshlar bilan birga quramiz”, - deydi, hokim o‘z so‘zi yakunida.