27.12.2022
G‘ozg‘on shahridagi «Guliston» MFY binosida kirib kelayotgan yangi yil bayrami arafasida «Yangi O‘zbekistonda el aziz, inson aziz!» shiori ostida «Uch avlod uchrashuvi» tadbiri o‘tkazildi.
Tadbirda G‘ozg‘on shahri hokimi A.Bazarov so‘zga chiqib, kirib kelayotgan yangi yil bayrami bilan barcha ishtirokchilarni samimiy tabrikladi.
Shu bilan bir qatorda, shahrimizda olib borilayotgan ulkan bunyodkorlik ishlari va istiqbolli loyihalar haqida so‘z yuritdi.
Shundan keyin, shahrimizda uzoq yillar samarali xizmat qilib kelgan keksa avlod, ayni damda islohotlar muvaffaqiyati yo‘lida jonbozlik ko‘rsatib kelayotgan o‘rta avlod vakillari hamda faol yoshlar bir piyola choy ustida suhbat qurishdi.
Uchrashuv dilkash suhbatlar, shahar madaniyat bo‘limi xodimlari tomonidan tayyorlangan dilrabo kuy-qo‘shiqlar bilan davom etdi.
G‘ozg‘on shahri hokimligi Axborot xizmati