21.02.2023
Gʻozg‘on shahri hokimi A.Bazarov tomonidan "Tumar" MFY "Alisher Navoiy" ko‘chasida istiqomat qiluvchi 1-guruh nogironligi bo‘lgan fuqaro N.Asadovga o‘zi yurar nogironlik aravachasi yetkazib berildi.
Asli kasbi chilangar-payvandlovchi bo‘lgan, bir necha yildan buyon nogiron yotgan fuqaro, "Men hayotimda bir kun yotib qolgan yoki bir daqiqa tingan odam emasman. Mushaklarim mehnat qilishga tayyor, ammo oyoq qurg‘ur harakatdan qolgan", - deya o‘z fikrlari bilan o‘rtoqlashdi.
Shahar hokimining, "Siz o‘zingizni jamiyatdan ajralib qoldim deya hech qachon his etmang. Siz oilangizga qanchalik kerakli bo‘lsangiz, biz uchun ham shundaysiz. Nogironligingiz bu dard emas, bu sinov. Nasib etsa yaqin kunlarda oyoqqa turib, o‘z ishingizni davom ettirsangiz hammasi o‘tmishga aylanib qoladi", - degan so‘zlari Nurbek akamizga haqiqiy motivatsiya bo‘ldi.