03.03.2023

G‘ozg‘on shahrida 3 ta maktab mavjud bo‘lib, ularda 1530 nafar o‘quvchi, xususan 107 nafar bitiruvchi ta'lim olmoqda. Bugun, 2-mart sanasida NDKTU rektori B.Mardonov bitiruvchi yoshlar bilan uchrashib, ularga oliy ta’lim sohasidagi islohotlar hamda universitet hayoti haqida so‘zlab berdi.

Ushrashuvni shahar hokimi o‘rinbosari R.Shodiyev ochib berdi va olib bordi. Bundan tashqari NDKTU O‘quv ishlari bo‘yicha prorektor N.Abduazizov fakultetlar va yo‘nalishlar, kredit-modul tizimi haqida batafsil ma’lumot taqdim qildi.

Muloqot davomida yoshlarning bir qator takliflari qo‘llab-quvvatlandi. Jumladan, ularning universitetga kelgan holda bevosita dars jarayonlarida qatnashish istagi inobatga olinib, qiziquvchi yoshlar oliy ta’lim muassasasiga taklif qilindi.