23.03.2023

Kuni kecha Navoiy viloyati hokimligi tantanalar zalida “22-mart - Mahalla tizimi xodimlari kuni” bayrami munosabati bilan taqdirlash marosimi bo‘lib o‘tdi.

Tadbirda Navoiy viloyati hokimi, senator Normat Tursunov ishtirok etib, mahallaning o‘rni va nufuzini yuksaltirish, xalqimiz orasida o‘zaro hamjihatlikni mustahkamlash, ma’naviy muhit barqarorligini ta’minlashda munosib hissa qo‘shib kelayotgan bir guruh soha xodimlarini tabrikladi.

Ularga O‘zbekiston Respublikasi Kambag‘allikni qisqartirish va bandlik vazirligining “Mahalla iftixori” ko‘krak nishoni hamda Navoiy viloyati hokimining “Faxriy yorlig‘i” va esdalik sovg‘alari tantanali topshirildi.

Mukofot olganlar orasida shahrimizdagi "Tumar" MFY raisi A.Aminov hamda "Marmarobod" MFY raisasi M.To‘qsanovalar ham bor.

Mahalla tizimida faoliyat ko‘rsatayotgan soha xodimlarini tabriklab, kelgusi ishlariga omad, muvaffaqiyat va zafarlar tilaymiz!

G‘ozg‘on shahri hokimligi Axborot xizmati