31.03.2023

Mamlakatimizda joriy yilning 30-aprel kuni “O‘zbekiston Respublikasi Konstitutsiyasi to‘g‘risida” gi O‘zbekiston Respublikasi Konstitutsiyaviy Qonuni loyihasi bo‘yicha O‘zbekiston Respublikasining referendumi o‘tkaziladi.

1-umumiy o'rta ta'lim maktabi faollar zalida O‘zbekiston Respublikasi Konstitutsiyasiga kiritilayotgan o‘zgartirish va qo‘shimchalar muhokamasiga bag‘ishlangan targ‘ibot tadbiri o‘tkazildi.

G‘ozg‘on shahar hokimi o'rinbosarlari R.Shodiyev, D.Egamova, "Ma’rifat" targ‘ibotchilar jamiyati guruhi a’zolari D.Bobojonova hamda X.Sobirovlar Konstitutsiyaning muhim jihatlari bo‘yicha batafsil tushuntirishlar berdilar va tadbir ishtirokchilarini qiziqtirgan savollarga javob qaytarishdi.

Xushovoz xonandalarning diltortar kuy-qo‘shiqlari tadbirga o‘zgacha ko‘tarinkilik bag‘ishladi.

G‘ozg‘on shahri hokimligi Axborot xizmati