08.05.2023

Navoiy viloyati IIB boshlig‘i A.Tasbayev, viloyat Mudofaa ishlari boshqarmasi boshlig‘i Sh. Musayev, Milliy gvardiya viloyat boshqarmasi boshlig‘i B.Toirov, Gʻozg‘on shahar hokimi A.Bazarov boshchiligidagi mas’ullar hamda keng jamoatchilik vakillari 9-may – "Xotira va qadrlash" kuni munosabati bilan Gʻozg‘on shahrida istiqomat qilib kelayotgan Ikkinchi jahon urushi qatnashchisi Tursunqul bobo Ergashev xonadonida bo‘lishdi.

Uchrashuvda shahar hokimi tomonidan O‘zbekiston Respublikasi Prezidentining otaxonga yuborilgan bayram tabriknomasi hamda minnatdorchilik xati o‘qib berildi.

Shuningdek, faxriy otaxonga Prezident sovg‘alari – 18 million so‘m miqdordagi pul mukofoti hamda qimmatbaho sovg‘alar topshirildi.
Tadbir so‘ngida Tursunqul bobo Ergashev davlatimiz rahbariga o‘z tashakkurini izhor qilib, yurtimiz osoyishtaligi va xalqimiz farovonligini tilab duo qildi.

G‘ozg‘on shahri hokimligi Axborot xizmati