31.05.2023

Bugun Gʻozg‘on shahar "Tumar" MFY hududida 2-sektor rahbari tashabbusi bilan tadbirkor M.Azimjonova tomonidan "SMART KIDS - AQLLI BOLAJON!" oilaviy nodavlat maktabgacha ta’lim tashkiloti ochilish marosimi bo‘lib o‘tdi.

Ushbu ONMTT ochilish marosimida shahar hokimi A.Bazarov, shahar prokurori B.Isoqov, tashkilot, korxona, muassasalar rahbarlari, keng jamoatchilik vakillari hamda OAV ishtirok etishdi.

Tadbirda so‘zga chiqqanlar, unib kelayotgan yosh avlodni har tomonlama yetuk kamolga yetishida, jamiyatimizga, jonajon O‘zbekistonimizga munosib avlod shakllantirishiga ushbu maskanning ham hissasi beqiyos bo‘lishi alohida ta’kidlandi.

Ma’lumot o‘rnida, ushbu ta’lim tashkiloti qamrovi 50 nafar yoshga mo‘ljallangan hisoblanadi. Shuning bilan shahrimizda maktabgacha ta’lim yoshidagi bolajonlar qamrovi 100 foizni tashkil etadi.

G‘ozg‘on shahri hokimligi Axborot xizmati