26.06.2023

Gʻozg‘on shahrida shahar hokimligi, “Nuroniy” jamg‘armasi Gʻozg‘on shahar bo‘linmasi bilan hamkorlikda istirohat bog‘da "Uch avlod uchrashuvi" bo‘lib o‘tdi.

Ushbu uchrashuvda “Nuroniy” jamg‘armasi Navoiy viloyati bo‘limi raisi o‘rinbosari S.Istamov, shahar hokimi A.Bazarov hamda tegishli mas’ullar ishtirok etishdi.

Yuz bilan yuzlashgan nuroniylar, navqiron o‘rta avlod, hamda unib kelayotgan yosh avlod vakillari bir dasturxon atrofida dildan suhbat qurildi.

Tadbirda so‘z olganlar, bugungi kunda mamlakatimizda amalga oshirilayotgan islohotlar, bunyodkorliklar, tinchlik atalmish buyuk ne’matning qadri haqida so‘zlashdi.

Shahar madaniyat bo‘limining dilga yaqin kuy-qo‘shiqlari barchaga manzur bo‘ldi.

Tadbir so‘ngida bir guruh keksa avlod vakillariga mas’ullar tomonidan esdalik sovg‘alari topshirildi.

G‘ozg‘on shahri hokimligi Axborot xizmati