28.07.2023

                                Undiruv ishlari samarali tashkil etilmoqda

Majburiy ijro byuroning Gʻozg‘on shahar bo‘limi tomonidan sud va vakolatli organlar qaroriga asosan joriy yilning 6 oyida sud va boshqa organlar Qarorlarini ijro etish sohasida jami 675 ta 8,4 mlrd. so‘mlik ijro hujjatlar yuzasidan tegishli tadbirlar o‘tkazilib, 442 ta 3,9 mlrd so‘mlik hujjatlar bo‘yicha yakuniy qarorlar qabul qilindi, 332 ta ijro ishlari bo‘yicha amalda 2,5 mlrd so‘m mablag‘lar undirildi.
Mazkur tadbirlar natijasida davlat foydasiga 1,2 mlrd so‘m, xo‘jalik yurituvchi sub’yektlarga 1,1 mlrd. so‘m, fuqarolarga 75 mln. so‘m pul mablag‘lari undirib berildi. Soliq qarzi bilan bog‘liq 50 ta ijro ishi bo‘yicha 1,1 mlrd. so‘m mablag‘lar amalda undirilishiga erishildi.
Jinoiy va ma’muriy jarima undirish bilan bog‘liq 83 ta ijro ishi bo‘yicha 56,9 mln. so‘m jarimalar qarzdorlardan undirilishi ta’minlandi. Davlat boji bo‘yicha 92 ta ijro hujjati yuzasidan 89,8 mln. so‘m mablag‘ undirildi.
Ijro hujjatlari ijrosini muddatida ta’minlamagan qarzdorlardan 68,6 mln. so‘m ijro yig‘imlari qo‘llanilib, undirilishi ta’minlandi.
Prezidentimizning 2020-yil 24-noyabrdagi 6118-sonli Farmoni asosida joriy etilgan yangi tizimga ko‘ra, 6 turdagi davlat foydasiga undiruvlardan “Temir daftar”, “Ayollar daftari” va “Yoshlar daftari” jamg‘armalariga 81,4 mln. so‘m o‘tkazib berilishi ta’minlandi.
Byuroning Gʻozg‘on shahar bo‘limi tomonidan undiruvlar bilan bog‘liq ijro hujjatlar ijrosini ta’minlash va ularni sonini qisqartirish yuzasidan ijro harakatlari davom ettirilmoqda.