31.08.2023
Bugun O‘zbekiston Respublikasi Davlat mustaqilligining 32 yilligi munosabati bilan Gʻozg‘on shahrida Adliya bo‘limi binosi foydalanishga topshirildi.
Ochilish marosimida Navoiy viloyat Adliya boshqarmasi boshlig‘i Gʻ.Primov, shahar hokimi A.Bazarov, tegishli mas’ullar, soha xodimlari, keng jamoatchilik vakillari ishtirok etishdi.
Majmuaning ramziy kaliti shahar Adliya bo‘limi boshlig‘i S.Safarovga topshirildi. Tadbir ishtirokchilari inshoot bilan yaqindan tanishdi.
Marosim davomida shahar FHDY bo‘limi tomonidan katta hayot ostonasiga qadam qo‘yayotgan ikki yoshga nikoh guvohnomasi tantanali ravishda topshirildi.
Mazkur bino mustaqilligimizning 32 yillik tantanalarida g‘ozg‘onliklar uchun haqiqiy bayram tuhfasi bo‘ldi.
Ma’lumot uchun: ushbu majmuada shahar Adliya bo‘limi, Davlat xizmatlari markazi, shahar FHDY bo‘limi hamda shahar Davlat notarial idorasi fuqarolarga o‘z xizmatlarini ko‘rsatadi
G‘ozg‘on shahri hokimligi Axborot xizmati