06.11.2023
“Yashil makon” umummilliy loyihasining kuzgi mavsumini tashkil etish maqsadida G‘ozg‘on shahrining barcha hududlarida turli xil mevali hamda manzarali daraxt va buta ko‘chatlarini ekish ishlari jadal olib borilmoqda.
Shahar hududiga kirib kelishda katta yo‘l yoqasida bunyod etilgan "Yashil bog‘" ("Green garden") maydonida daraxt ko‘chatlari o‘tkazilmoqda.
Aholi punktlarida ekologik vaziyatni yaxshilash, hududlarni yashil makonga aylantirish maqsadida "Marmarobod" MFY hududidagi "Hurriyat" ko‘chasida joylashgan ko‘p qavatli binolar old maydonida ko‘kalamzorlashtirish tadbirlari amalga oshirildi.
Ushbu tadbirlarda, shahar hokimi A.Bazarov boshchiligida hokim o‘rinbosarlari, korxona, tashkilot va muassasalar mas'ullari, keng jamoatchilik vakillari, faol yoshlar ishtirok etishdi.