25.05.2024

Bugun G‘ozg‘on shahrining barcha umumta’lim maktablarida “Ilm saodat kaliti!” shiori ostida “Soʻnggi qoʻngʻiroq” tadbirlari boʻlib oʻtdi.

Shahar hokimi Azim Bazarov, sektor rahbarlari, shahar hokim o‘rinbosarlari, deputatlar, tashkilot rahbarlari, ota-onalar, o‘quvchi-yoshlar hududdagi mavjud umumiy o'rta ta'lim maktablarida bo‘lib o‘tgan “So‘nggi qo‘ng‘iroq" tadbirlarida ishtirok etishdi.

   
Tadbir davomida sektor rahbari tomonidan O‘zbekiston Respublikasi Prezidenti Sh.Mirziyoyevning mamlakatimiz maktablarini bitiruvchi o‘g‘il-qizlarga yo‘llagan tabrigi o‘qib eshittirildi.

Keyingi navbatda o‘quv yili davomida yutuqlarga erishgan bir guruh o‘quvchi, o‘qituvchi hamda ota-onalar taqdirlanishdi.